Sensus Ternak Wedus

Badrun critane dadi petugas sensus dinas peternakan lurr nang kecamatan Gunung Pati. Wektu iku Badrun ditugaske nyensus ternak wedus nggone Sarno. Wedus-weduse Sarno kudu di data supayane iso dipantau Dinas Peternakan. Monggo disimak Lurr..

Badrun    : Asalamualiakum Pak

Sarno      : (karo angon wedus) Wa'alaikum salam.. Ono opo mas? meh jaluk sumbangan? opo ora reti yen aku lagi angon wedus? aku ora gowo duit..

Badrun    : Pak...

Sarno      : Yen jaluk sumbangan ki nang omah mas, ora nang tengah lapangan koyo ngene..

Badrun    : Pakk (wis rodo mrongos)

Sarno      : Wingi kae kayane uwis tak wenehi sumbangan

Badrun    : Aku ki soko Dinas Peternakan Pakkk...(karo nangis nggerong-nggerong)

Sarno      : Owh, sepurane mas. lha sampeyan ora ngomong awit mau

Badrun    : Aku durung sempet ngomong sampean wis nrocos ngono kok..(karo ngrikiti suket nang lapangan)

Sarno     : Wis wis, ojo nesu ngon to mas. mengko nak baguse ilang

Badrun   : (langsung noto kerah mbi nganggo kocomoto ireng) Tenane aku bagus Pak

Sarno     : Iyo mas Bagus, dibandingke wedus-wedus ku kae

Badrun   : (langsung tibo klekaran)

Sarno     : Ono opo mas kok adoh-adoh mrene

Badrun   : Aku meh data wedus-weduse sampean Pak. Sopo reti sesuk pas Bodho entuk jatah THR (karo ngguyu mrongos)

Sarno     : Tenane mas??

Badrun   : Iyo pak, tapi tukokne dewe (karo ngguyu iblis iso mbales)

Sarno     : Sido opo ora iki mas, selak panas (rodo nesu karo eker-eker kacang atom irenge wedus)

Badrun   : Ok ok Pak,, weduse sampean cacahe ono piro Pak?

sarno      : Sing endi? ireng opo putih?

Badrun   : Sing ireng

Sarno     : Sing ireng ono 50

Badrun   : lha sing putih?

Sarno     : Sing putih yo 50

Badrun   : Lha umure weduse sampean kiro-kiro piro kui Pak?

Sarno     : Sing endi mas? ireng opo putih?

Badrun   : Ireng Pak

Sarno     : sing ireng umure setahun

Badrun   : lha sing putih?

Sarno     : sing seputih yo setahun

Badrun   : (tibo nggeblak nang mburii)

sarno      : Opo meneh mas (karo nyruput kopi)

Badrun   : biyen entuk soko ngendi Pak wedus-weduse?

Sarno     : Sing endi mas? putih po ireng?

Badrun   : (wis mulai nesu ngetoke gingsule sing rangkep pitu) sing ireng pak?

Sarno     : yen sing ireng biyen bantuan soko gone Pak Bupati

Badrun   : Lha sing putih pak?

Sarno     : sing putih yo bantuan soko gone Pak Bupati

Badrun   : (salto memburi ping pitu banjur tangi lengsung nyedaki Sarno karo protes) Kenopo to pak yen tak takoni kudu milih wedsu ireng opo putih (wis rodo nesu karo nyincing lengen klambine)

sarno     : Sabar to mas.. Aku takon sing ireng opo sing putih mergo wedus sing ireng iku nggonaku

Badrun  : (ora sido nesu, banjur mesem nganti ketok gingsule sing rangkep pitu) Owalah, ngono to Pak. Kenopo ora ngomong awit mau. Lha wedus sing putih iku nggone sopo Pak??

Sarno    : Owh, yen sing putih iku yo wedusku mas..

Badrun  : (Badrun langsung ngajuke pensiun dini soko dinas peternakan)

Related Posts:

Tweet

Mandek Ngrokok

Badrun iki bocah enom sing ora duwe pegawean tetap. Saben dino mung nongkrong udad-udud nang warung kopi ne Sariyem. Wis iso ditebak Lurr yen Badrun mesti ora iso mbayar kopi karo gedang goreng neng warunge Sariyem alias ngutang. Opo meneh Badrun termasuk perokok berat.

Mergo bendino di oyak-oyak kon nyarutang lan mikir ora duwe duit, Badrun mutuske meh mandek ngrokok. Sak naliko Badrun langsung budal menyang dokter Sarno nggo konsultasi. monggo disimak Lurr...

Badrun  : Pak Dokter, tulungi aku Pak...

Sarno    : Ono opo Le??

Badrun  : Aku kecanduan rokok. Aku pengen mandek ngrokok Pak.. Piye carane men iso mandek Pak Dokter??

Sarno    : Wah apik kui Le. Tapi opo tenan koe meh mandek ngrokok?

Badrun  : Temenan Pak... aku wis nyoba macem-macem obat lan cara supayane iso mandek. Tapi angel Pak. Mergo kui aku mrene.

Sarno    : Wah, tek deloki kayane tekad mu wis kuat. Yowis, iki ono metode mandek ngrokok sing bener-bener manjur tapi ekstrim. Opo koe isih pengen nyoba metode iki le??

Badrun   : Opo kui Pak Dokter?

Sarno      : carane ngene, angger koe pengen ngrokok, pucuke rokok dulitno tembelek lencung. Trus ambungen, mesti koe mengko duwe roso jijik lan mesti koe ora bakal sido ngrokok maneh. Balenano metode iki angger koe kepengen ngrokok. Tak jamin mengko koe bakal mandek ngrokok sak lawase..

Badrun    : Nggih Pak Dokter, Suwun.

Badrun banjur bali ngomah lan mrakteke opo sing dikongkon Dokter Sarno.

Singkat wae Lurr.. Selang pirang wulan Badrun banjur bali nang Dokter Sarno.

Sarno     : Opo meneh Le? Koe kan wong sing pengen mandek ngrokok kae

Badrun   : (Rodo nesu karo mrongos ngetoke untune sing gingsul pitu) Metode mu pancen oke Pak Dokter..

Saiki aku wis ora kecanduan ngrokok maneh.

Sarno     : wah apik tenan nak ngono. Pantes saiki iso ngguyu ngono

Badrun   : Sopo sing ngguyu Dok?? Aku nesu iki (malah dadi nangis karo ngrikiti mejone Sarno)

Sarno     : Owh koe nesu to Le, hehehe..cup cup cup. wis ga usah nangis ngono... Lha kenopo kok wis mandek ngrokok malah nesu??

Badrun    : Aku pancen wis ora kecanduan rokok Pak Dokter

Sarno      : teruss?

Badrun    : Aku saiki kecanduan ngisep tembelek lencung Dok.... (hua..hua..hua.. Badrun nangis nggerong-nggerong)

Related Posts:

Tweet

Jenengan lan Maknane

Sugeng enjang, siang, ndalu Luurr..

Saiki Gula Jawa arep wenehi makna jenengan sing ono nang sekitare dewe. Tanpo sak ngertine mbah-mbahe biyen, jenenge wong sekitare dewe sakbenere duweni makna sing gaul lan ugo keren. Dadi, yen poro sedulur kabeh ono sing arep duwe momongan ora ono salahe di wenehi jenengan nang ngisor iki..

Monggo lurr di simak..

Rosman     : Wong sing pinter nandur kembang

Karman     : Wong sing pinter ndandani mobil

Parman      : Wong sing pinter maen golf

Suratman   : Wong sing pinter nggawe sekabehane macem surat

Suparman  : Wong sing kuat, lan gagah prakoso

Paiman      : WOng sing pinter gawe roti

Saniman    : Wong sing pinter nggambar

Sugiman    : Wong sing sugih

Togiman    : Wong sing seneng mangan cambah

Bisiman     : Wong sok sibuk

Giman       : Wong sing seneng dolanan game

Satiman     : Wong sing pinter gawe sate

Tarsiman    : Wong sing pinter gawe trasi

Sukarman  : Wong sing pinter mecahke masalah

Yusman      : Wong sing pinter gawe jus

Jaiman       : Wong sing isinan

Warman    : Wong sing gaweane perang

Ngateman  : Wong sing pinter mbalang pelem

Yen Ono sing kesinggung piss man............... :)

Related Posts:

Tweet

Guru Konseling

Critane Badrun ketrimo dadi guru konseling nang SD Negeri Kuwaron Gubug. Esuk iku Badrun sing wonge sok keminter, keliling sekolah karo ngamati kegiatan siswa-siwa SD kui mau. Ono sing lagi setinan, ono sing lompat tali, lan ono sing lagi maen bal-balan nang lapangan. Wektu ngamati siswa sing bal-balan badrun weruh salah siji siswa ono sing ngadek meneng wae karo ndeloki kanca-kancane maen bal-balan nang lapangan. Saknaliko jiwa konselinge Badrun muncul. Badrun banjur nyedaki lan nakoni bocah sing meneng wae mau.

Badrun : kenopo kowe nang kok meneng wae. Ora melu bal-balan kanca-kancamu?

Siswa   : (mung meneng wae karo tetep namatke kanca-kancane sing maen bal)

Badrun : Opo ora disanguni mbokmu?

Siswa   : Ora Pak (karo tetep ngematke)

Badrun : Opo biji Matematika mu elek?

Siswa   : Ora Pak (tetep ngadek ngematke kanca-kancane)

Badrun : Opo mau durung sarapan?

Siswa   : Ora Pak (tetep ngematke kanca-kancane sing lagi maen bal)

Badrun : Lha kenopo kok awit mau mung ngadek nang kene ora melu maen bal-balan mbe kanca-kancamu kae?

Siswa   : Duh, Gusti Pangeran. Paringano sabar...Aku ki kiper Pakkkk.... Yen q melu ngoyak-oyak bal mengko lakyo gol

Badrun : (langsung salto ping pitu)

Related Posts:

Tweet

Durung Waras

Critane wektu kui Badrun lan Sarno dadi penghuni RSJ Pedurungan kota Semarang. Wong loro mau lagi ngobrol nang pinggir kolam sing ono njero RSJ.

Sarno   : Drun, kowe wis pirang tahun ono njero kene? (karo mancing ono pinggir kolam)

Badrun : 3 tahun No. Lha kowe wis pirang tahun?

Sarno   : 2,5 tahun. Opo kowe ora bosen nang kene Badrun? (karo narik-narik pancinge)

Badrun : Ora. Wong nang kene penak. Perawate ayu-ayu. Koyo Sariyem kae. Wis wonge ayu, rambute dowo, mlakune kimplah-kimplah, aku kayane tresno marang wonge No. (mbayangke karo mesam-mesem dewe)

Sarno  : Sariyem sing rambute kriting? kulite sawo bosok kae? Edan mesti kowe Drun. wong perawat sing ayu ae akeh mosok pilih Sariyem?

Badrun : Yen aku waras wis ora nang kene No (karo uthik-uthik upil)

Sarno   : Aku bosen Drun. aku arep bunuh diri wae. Aku meh nyemplung kolam kene (siap-siap mlumpat)

Badrun : Ojo No..

Byurrrrrrrrrrrrrrrrr. Sarno mlumpat nang kolam. saknaliko badrun langsung mlompat nulungi sarno.
 Jebule polah tingkahe wong loro kui mau dideloki karo dokter RSJ. Esuke liyane dino doktere manggil Badrun nang ruang dokter..

Dokter : Drun, aku duwe kabar seneng lan sedih kanggo kowe. Kowe pengen sing kabar ndi disik leh ku ngomong?

Badrun : Wah, kenopo dok? yo mesti sing seneng disik..

Dokter : Wingi kowe nulungi Sarno sing bunuh diri mlumpat kolam. Berarti iso tak simpulke yen kowe wis waras. Sesuk iso mulih soko RSJ kene.

Badrun : Tenane dok? Yen ngono aku tak siap-siap dok.

Dokter : (karo mbathin, wis waras tenan bocah iki)

Badrun  : Lha berita sedihe opo dok?

Dokter  : Koncomu sarno kae. Senajan wis mbok tulungi pas mlompat kolam, nanging ndek bengi wonge tetep bunuh diri nggantung nang kamare.

Badrun : wah Pak dokter ngajak guyon...Sarno kui ora bunuh diri. Wingi bar njegur kolam, q melaske ndeloki sarno teles kabeh. Nah, terus tak gantung men cepet garing Pak. Ngono critane...

Dokter : &$%!#@+_)*

Related Posts:

Tweet

Berkunjung Nang Psikolog

Sore iku Badrun menyang gone psikolog arep konsultasi marang psikolog mau tentang perilaku anake sing nakale jan ora patut.

Badrun   : Sore Pak,
Psikolog : Iyo, ono sing iso dibantu Pak? Kok kayane wajahe sampean katon ditekuk ngono? Opo sampean ditagih utang karao kolektor?
Badrun   : Ora Pak
Psikolog : Opo sampean kalah togel meneh?
Badrun   : Ora Pak
Psikolog : Opo bojomu jaluk pegat?
Badrun   : Pak....
Psikolog : Opo korengmu...?
Badrun   : Pak kiro-kiro sampean wis tau di cokot waung rabies? (karo nggereng ngetoke untune sing gusi kabeh)
Psikolog : Opo..? hehehehe, sory Pak..lha wajahe sampean wajah wong susah. Cocok kanggo nyek-nyekan
Badrun   : Pakk....(ndepipis ono pojokan)
Psikolog : hehehe, piye piye Pak. ono opo jan-jane?
Badrun   : Ngene lho Pak psikolog. Anakku umure lagi 9 tahun. tp nakale iku lho wis jan ra ketulungan. Kiro-kiro ono solusi opo ora Pak. men anakku dadi wong sing anteng lan ora nakal meneh.
Psikolog : Lha yen umur 9 tahun nakal yo wajar Pak. Nakale kepriye Pak?
Badrun   : Ngene lho Pak, amargo ulah lan kenakalane nyebabke pembantuku meteng Pak?
Psikolog : Biyuh biyuh...Wah yen iki persoalane bener-bener rumit, aneh tur langka Pak (karo mlintir brengos). Iki butuh penanganan serius Pak. ora iso nak mung setengah-setengah. Coba Bapak critake sing detil, piye kronologine kok anak 9 tahun iso nggawe pembantune sampean meteng?
Badrun   : Wah, pokoke nakale ora patut Pak..wis ora ketulungan..Coba sampean bayangke Pak. Moso kabeh stok kondomku dibolongi nganggo peniti..
Psikolog : Owh ngono to Pak..
Badrun   : iyo Pak,,
Psikolog : Pak, melu q nang gone psikolog Sarno yo
Badrun   : Lha emang nopo Pak?
Psikolog : Rodo anget awakku
saknaliko wong loro mau langsung perikso.........

Related Posts:

Tweet